La Escanda (Triticum spelta L.) ye una vieya cebera, que tuvo nel cantu de desaparecer pela competencia de los cereales industriales. Inda güei sémase nalgunas partes d'Asturies, como en Santa María, nel conceyu Grau, y ta viviendo un pequeñu remanecer.El so usu pa facer cerveza vien de vieyu, en Bélxica emplégase como axuntu en dalgunes y n'Alemaña ye l'ingrediente fundamental d'otres.
La Escandalera ye una plaza d'Uviéu que puede considerase el centru d'Asturies, por ser el llugar normal de les concentraciones y manifestaciones, los "escándalos" que-y dan nome, en gran medida por atopase nella'l Parlamentu Asturianu. Hai quien rellaciona'l nome cola escanda, aunque parez que'l mercáu d'esta cebera atopábase realmente nel Fontán.